Ñañ wés : Li loo laa a hañ bé jam
Njômbi i sukulu Basaa i bibôdlene i nlôñ u FASEB (Fraternité Associative en entraide des Babimbi) hikuu hi nlôñ hi bi noode timbhe libim li ma mbadga li bon ba Basaa :
1°) Ba’a bés di yé bonjee ?
2°) Kii i ad bés ?
3°) Kii i la bé bagal bés ?
Ikété nagandag i ma ndimbhe i bi tiba, di bi nôgla le di yé bôt ba lôl pes mbok yada di podog hop wada (Basaa)
Hala nyen i hilo 15 hi sôñ Hikañ 1998, di bi pam i bot nlôñ u mondo ù ù nleege minlôñ mi mahaa. Jôl jéé le FEDABA (…..)
Ikété minson di bi segel di gwé :
– Yigil i hop u basaa
– Yigil i masak més ni mbok yés
– Hôla bon bés i kété manjel ma bisukulu gwap
– Amb manyuu més i timbis mim wés i biloñ yés.
– Kena bon bés i mbai i tégbaha binoï
Ñañ wés : Mahôla ma tison i Fontenay-Sous-Bois
Bakena ba Tiison Fontenay-sous-bois ba bi leege mahoñol més di gwé inyu i hôla bon bés le ba yi i pes bagwal bap ba bi lôl ni i nigil mam ma mbok yap. Jon ba bi ti bés :
Mandap ma sukulu maa inyu niiga hop Basaa Ndap inyu yigil i masak més. Tiison i Fontenay-sous-bois i neebe le di ba jôga jada ikété minloñ mi yoñ ngaba inyu mahol ma tiison Jon di nkônde ti ba kena I tiison ini mayéga inyu nit i nit bés, ni ngaba i mahôla i mandap I ti inyu boñ le bés bon Ba Basaa di kotba.
Ñañ wés : Bisélél bi mañ wés mi bôt
Kiki basôgôl bés ba bi yigle bés hop Basaa, hala nyen di bi nôñôl (yoñ) sélé bi bisu . Ngandag ni libim li matila li bi pémél i bikaat bi base i lôgsañgo Bikaat bini bi hôla bagwal bés ba ba bi boñ bé bisukulu bi keñi i soñgol ni tila hop Basaa. Libim li matéñ ma Afrika, téñtéñ matéñ ma Bantu ma ngwélél milélém mi matila. Jon di bi pohol lini litilna li hop Basaa
Ñañ wés : Bôt ba ba yoñ ngaba i hôlôh nson unu
Mbok wee bôt, jon balét ba bisukulu, mañ mi bôt ba Mbombok basak isikô ngandag bagwal ba di ga la bé sima bobasôna môl map ba bi leege mahõnol ma sukulu Basaa mana, hii wada a ti mahôla, bape ba ti bomede nkibkip inyu mahol ma mbok Basaa Bati mpôô. Jon i ba bé i segel môl :
- Bakena Faseb ni balét (Mbee Mbogmis, Bitanga bi Bitanga, Nsumbi Méñgé, Bikai bi Bakaba, Monka Ngo Tonbong, Bayémi Ba Ntamak, Njehémle, Mounet,…)
- Mañ mi bôt (KON BAKI David, Agnis Ngo NGOCK yig IBALA, MUNE HENRI,…)
- Ba mbombok (BITANGA bi BITANGA Samuel, BAPPA ba MATIMBHE Donnat, BOUGHA IKET Alexis, MAKET ma TEK Paul …)
- Bagwal (Maria nwaa Nsumbi Méngé, Naômie Ngo Mbondo nwaa Bayémi ba Ntamack, Ngo Bahel Claudine, Ngo Iloga Ruth, Ngo Nsumbi nwaa Mbenoun i Belgique, Ngo Billông Louise, Ngo Ndébi Marie…)
- Bakôt ni basak Isikô (Balômôg Paul, Nyobe, Belga Tobi, Man Matôa, Asta Ngo Um Tuck, Jennifer de Pouma, Fleur Delvault,…)
- Bayi Ngweege bikei bi mbebi ni bañ bikaat gwés (Mahmed BARKAN, MAHOP Taman,…)
